Често поставувани прашања – ЧПП

Прашања за наставник
1. Кога го отворив Е-Дневникот забележав дека сите податоци за наставници, паралелки, ученици, предмети, наставен план итн. се веќе внесени. Кој ги внел овие податоци?
2. Забележав дека некои ученици недостасуваат. Како може да се внесат овие ученици?
3. Како да се најавуваат наставниците кои предаваат во повеќе училишта?
4. Како да променам улога доколку истовремено сум наставник во повеќе училишта, наставник и родител, наставник и педагог/психолог, наставник и директор?
5. Како да ја променам лозинката?

Прашања за родител
1. Како да добијам пристап до Е-Дневникот за моето дете?
2. Кои се придобивките од Е-Дневникот за родителите?
3. Доколку сум родител на две или повеќе деца, што треба да направам за да имам достап до податоците за сите деца со една меил адреса?
4. Како да ја променам лозинката?
5. Каде се прикажани меил адресите на наставниците?

Прашања за класен раководител
1. Како да преместам предмети со веќе одржани часови во постоечкиот распоред?
2. Внесување и промена на број на главна книга за секој ученик?
3. Кои податоци треба да ги внесам за да можат останатите наставници кои предаваат во паралелката да го користат Е-Дневникот?
4. Јас сум класен раководител на паралелка во која не предавам, а во Е-Дневник никаде не пишува дека сум класен раководител. Како да се реши овој проблем?
5. Како да избришам час од распоредот?
6. Како да внесам периодичен распоред?

Прашања за ЕМИС администратори во училиштата
1. Пополнување на полињата ‘Шифра’ и ‘Опис’ кај паралелките во основните училишта во ЕМИС?
2. Пополнување на полињата ‘Шифра’ и ‘Опис’ кај паралелките во средните училишта во ЕМИС?
3. Како да се внесат наставници во училиште кое не им е матично, т.е. како да се внесат наставници кои предаваат во две или повеќе училишта?
4. Како да внесам наставници во Е-Дневник?
5. Како да внесам ученици во Е-Дневник?
6. Што да направам доколку некој ученик се префрлил во друго училиште или се отпишал од училиштето?
7. Што да направам доколку некој наставник прекинал со работа во училиштето, но и покрај тоа сеуште се појавува во Е-Дневник?

Ова е страна за често поставувани прашања.

Сите прашања кои корисниците на Е-Дневникот ги поставиле по емаил или по телефон, а кои се корисни за останатите корисници на Е-Дневникот, ќе бидат напишани тука.

Наставник

1. Кога го отворив Е-Дневник забележав дека сите податоци за наставници, паралелки, ученици, предмети, наставен план итн. се веќе внесени. Кој ги внел овие податоци?
   • Секое училиште има по двајца обучени ЕМИС администратори кои ги внесуваат горенаведените податоци во ЕМИС системот. Прочитајте повеќе за ЕМИС на следниов линк.
2. Забележав дека некои ученици недостасуваат. Кој треба да ги внесе овие ученици?
   • Сите референтни податоци во Е-Дневникот освен распоредот на часови се превземени од ЕМИС. Доколку податоците за наставници, паралелки или ученици имаат грешка или не се целосни, Ве молиме известете ги ЕМИС администраторите од Вашето училиште да ги внесат/променат податоците.
3. Како да се најавуваат наставниците кои предаваат во две или повеќе училишта?
   • Наставниците кои предаваат во повеќе училишта нема потреба да се најавуваат на Е-Дневник со посебно корисничко име и лозинка за секое училиште во кое предаваат бидејќи со корисничкото име и лозинка од матичното училиште може да пристапуваат до Е-Дневниците во сите училишта во кои предаваат.
     Откако ќе се најават на Е-Дневник со корисничкото име од матичното училиште, за да имаат достап до податоците за сите училишта во кои предаваат, потребно ќе биде само да го сменат училиштето или да ја сменат улогата на начинот прикажан во сликата подолу:

     

   • За да може да се користи оваа функционалност потребно е ЕМИС администраторите од училиштето кое не им е матично да го внесат податокот во ЕМИС дека наставникот предава по соодветниот предмет во соодветните паралелки во училиштето како наставник од матичното училиште.
     (Детално објаснување како да се внесат наставници кои предаваат во две или повеќе училишта е прикажано подолу во прашањата за ЕМИС администратори).
4. Како да променам улога доколку истовремено сум наставник во повеќе училишта, наставник и родител, наставник и педагог/психолог, наставник и директор?
   • Наставниците кои предаваат во повеќе училишта, наставниците кои истовремено се родители и наставници, психолози/педагози и наставници или директори и наставници нема потреба да користат различно корисничко име и лозинка за да имаат повеќе улоги. Корисниците на Е-Дневникот имаат можност со едно корисничко име и лозинка да променат улога.
     Откако ќе се најават на Е-Дневник, наставниците може да ја променат улогата на начинот прикажан во следната слика.

     

5. Како да ја променам лозинката?
   • Прв начин. Доколку сте ја заборавиле, имате проблем или не можете да се најавете на Е-Дневник со добиената лозинка, изберете ја опцијата ‘ја заборавив лозинката’ по што ќе Ви биде испратен линк за промена на лозинката на мејл адресата со која сте регистрирани на Е-Дневник.
     
     
   • Втор начин. Доколку сакате да ја променете веќе добиената лозинка, постапката за промена на лозинка е следната:
     Најавете се на Е-Дневникот.
     Кликнете со глувчето на Вашето корисничко име во горниот десен агол.
     Пред Вас треба да е прикажана форма со лични податоци. На дното на формата има три полиња. Внесете ја Вашата тековна лозинка, новата лозинка, новата лозинка повторно и зачувајте ги промените. Или погледнете ја сликата подолу:

     

Родител

1. Како да добијам пристап до Е-Дневникот за моето дете?
   • Потребно е да отидете кај класниот раководител на паралелката на вашето дете и да ја оставете Вашата емаил адреса, на која по активирање од страна на класниот раководител ќе ви биде испратена вештачки генерирана лозинка (која подоцна може да ја променете) со која ќе може да се најавете на Е-Дневникот.
2. Кои се придобивките од Е-Дневникот за родителите?
   • Е-Дневникот Ви овозможува увид во целокупната работа на паралелката така што може да видете опис на час за секој одржан час, како и увид во распоредот на Вашето дете. Исто така овозможен Ви е пристап до оцените и изостаноците на Вашето дете.
3. Доколку сум родител на две или повеќе деца, што треба да направам за да имам достап до податоците за сите деца со една меил адреса?
   • Замолете ги класните раководители на Вашите деца да ја внесат Вашата меил адреса во податоците за родителите за да можете да пристапете до информациите на Е-Дневник.
     Откако ќе добиете кориснички информации за едно од децата ќе можете да се најавете на Е-Дневник, а откако класните раководители на другите деца ќе ја внесат Вашата меил адреса во податоците за родителите, нема да ви пристигнат нови кориснички информации и за другите деца, туку откако ќе се најавете на Е-Дневник со претходно добиените кориснички информации потребно ќе биде само да ја сменете улогата (во горниот десен агол) на начинот прикажан во следната слика.

   

4. Како да ја променам лозинката?
   • Доколку сте ја заборавиле, имате проблем или не можете да се најавете на Е-Дневник со добиената лозинка, откако ќе кликнете на следниов линк: https://ednevnik.edu.mk/ може да ја изберете опцијата ‘ја заборавив лозинката‘ по што ќе Ви биде испратен линк за промена на лозинката на мејл адресата со која сте регистрирани на Е-Дневник.
5. Каде се прикажани мејл адресите на наставниците?
   • Во горниот лев агол кај “Училиште” -> “Детали за наставниците” има листа со мејл адреси на наставниците кои предаваат на паралелката.

Класен раководител

1. Преместување на предмети со веќе одржани часови во постоечкиот распоред.
   
2. Внесување и промена на број на главна книга за секој ученик. Сега редоследот на учениците е според бројот на главната книга.
   
3. Кои податоци треба да ги внесам за да можат останатите наставници кои предаваат во паралелката да го користат Е-Дневникот?
   • Класниот раководител треба да го внесе распоредот на часови, бидејќи само тој има привилегии да го стори тоа.
     При внесување на распоред имајте во предвид дека распоредот треба да почнува со понеделник и да завршува со недела, а може да трае и повеќе од една недела. Не мора за секоја недела да внесувате нов распоред ако знаете дека е ист распоредот.
     Сепак, препорачливо е наместо за целата учебна година или за целото полугодие да креирате распоред за секоја седмица или секој месец посебно, за да можете полесно да направете промени доколку има потреба.
4. Јас сум класен раководител на паралелка во која не предавам, а во Е-Дневник никаде не пишува дека сум класен раководител. Како да се реши овој проблем?
   • Известете ги ЕМИС администраторите од Вашето училиште да го внесат податокот дека сте класен раководител на соодветната паралелка, т.е. во ‘предмети на паралелката’ да го внесат предметот „Одделенски/Класен час“ и да го штиклираат полето „Дали наставникот е класен?“ Откако ќе го сторат тоа ќе можете да креирате распоред и да внесувате податоци како класен раководител.
5. Како да избришам час од распоредот?
   • За да избришете час од распоредот означете го предметот од листата, изберете празен ред (тоа е првиот понуден избор на час) и зачувајте ги промените. Со тоа тој час нема да има предмет.
6. Како да внесам периодичен распоред?
   • Во Е-Дневникот постои опција два распореди да се менуваат на определено време (1, 2, 3 или 4 седмици). Оваа опција се активира на следниов начин:- Внесете го првиот распоред и поставете го да важи од 01.09 до 30.06
     - Потоа, кликнете на копчето ‘Прикажи повеќе информации’ над распоредот.
     - Откако ќе Ви се отвори ‘Внеси недели за периодичен распоред’ изберете на колку недели сакате да се менува распоредот.
     - Потоа внесете го вториот распоред со важење од две недели после 01.09 до 30.06, и исто така изберете да се менува 2 недели.
     - Откако ќе го сторете горенаведеното двата распореди ќе се менуваат на две седмици.

ЕМИС администратори

1. Пополнување на полињата ‘Шифра’ и ‘Опис’ кај паралелките во основните училишта во ЕМИС ?
   • Во ЕМИС кај паралелките на училиштата (Училишта / Паралелки, преглед на соодветна паралелка), пополнете ги полињата ‘Шифра’ и ‘Опис’  на начинот прикажан на сликите подолу (‘II-a’ и ‘второ а’, соодветно), за да биде попрегледен приказот на паралелките во Е-Дневникот.
2. Пополнување на полињата ‘Шифра’ и ‘Опис’ кај паралелките во средните училишта во ЕМИС ?
   • Во ЕМИС кај паралелките на училиштата (Училишта / Паралелки, промена на соодветна паралелка), пополнете ги полињата ‘Шифра’ и ‘Опис’  на начинот прикажан на сликите подолу (‘II-2’ и ‘Гимназиско образование’, соодветно), за да биде попрегледен приказот на паралелките во Е-Дневникот.
3. Како да се внесат наставници во училиште кое не им е матично, т.е. како да се внесат наставници кои предаваат во две или повеќе училишта?
   • За да имаат достап до податоците за сите училишта во кои предаваат, потребно е ЕМИС администраторите од училиштето кое не им е матично, во ЕМИС да го внесат податокот дека наставникот предава по соодветниот предмет во соодветните паралелки како наставник од матичното училиште.
     (Во ЕМИС од главното мени се избира ‘Училишта’ ,потоа ‘Паралелки’ , преглед на соодветната паралека , ‘Наставници кои предаваат на паралелка’ , ‘Додади наставник’).
     Наставниците кои предаваат во две или повеќе училишта не треба да се внесат во ЕМИС кај ‘Наставен кадар’ / ‘Наставници’ за училиштето кое не им е матично.
4. Како да внесам наставници во Е-Дневник?
   • Постапката за внес на наставници во Е-Дневникот е следнава:
     Во ЕМИС кај ‘Училишта’ / ‘Училишен наставен план и програми’ / ‘Преглед’ / ‘Наставници по предмети’, а потоа ќе можете да ги внесете кај паралелките.
5. Како да внесам ученици во Е-Дневник?
   • Процедурата за внес на ученици во прва година е следнава:Од училишта -> се избира Паралелки -> потоа Преглед (за паралелката за која сакате да внесете ученици) -> долу се појавуваат три табови од кои треба да го изберете Ученици на паралелката -> Внеси ученик. При барањето на учениците треба да внимавате на тоа дека не сите ученици се со статус завршено образование, исто така треба да внимавате на голема и мала буква на кирилица и латиница. Доколку некој ученик го нема во листата за да го изберете, а претходно сте ги пробале сите комбинации, потребно е да се внесе ученикот од Ученици -> Лични податоци на ученици -> Нов запис.
6. Што да направам доколку некој ученик се префрлил во друго училиште или се отпишал од училиштето?
   • Доколку сакате да избришете ученик потребно е во ЕМИС на податокот кој сакате да го избришете да му поставите статус ‘избришан податок’ или ‘отпишан’.
     Учениците чиј статус е ‘отпишан’ нема да ги има во Е-Дневникот.
7. Што да направам доколку некој наставник прекинал со работа во училиштето, но и покрај тоа сеуште се појавува во Е-Дневник?
   • На наставниците кои веќе не се вработени во училиштето, го менуваат своето работно место, одат во пензија или се на породилно отсуство, потребно е во ЕМИС да им се смени статусот од валиден во пасивен податок.