СРЕЌНА ГОДИШНИНА!

Почитувани,
Ви се заблагодаруваме и Ви пожелуваме уште една поуспешна година со користење на Електронски Дневник.
Електронски Дневник бeше стартуван пред точно една година, на 8 Февруари 2011 година.
После една година, Eлектронски дневник има 25 илјади корисници, од кои 13 илјади наставници, 12 илјади родители, кои во рок од една година посветиле околу 9 милиони минути со користење на Електронски Дневник.
Регистрирани се повеќе од 3 милиони оценки, 2 милони часови и околу 600 илјади изостаници.
Уште еднаш Ви благодариме на вашите ценети совети, критики и забелешки.

По темелни подготовки од страна на администраторите во Основното општинско училиште Ванчо Прќе од Делчево, во соработка со одговорните лица во Министерството за образование и наука на Република Македонија, започна користењето на електронската апликација Е-дневник.

На јавна презентација пред вработените и родителите чии што деца учат во ова основно училиште, од страна на директорот на училиштето, беше презентиран начинот на користење на оваа апликација, како и поволностите кои истата ги овозможува. Користењето на оваа електронска алатка за наставниците во училиштето е задолжителна, паралелно со веќе воспоставениот класичен начин на водење на дневник во рамки на воспитно образовниот процес за учениците. Користењето на оваа алатка е овозможено преку интернет комуникација, така што нема никакви ограничувања од каде физички ќе се пристапи кон апликацијата, со користење на интернет врска.

Родитетелите на учениците потребно е да достават стандардна е-мејл адреса на класните раководители во чие што одделение учи нивното дете, по што администраторот ќе креира кориснички податоци за соодветниот родител, и истите ќе му ги достави на родителот. Потоа родителот со овие кориснички податоци ќе може да се најави на системот, и да ги следи секојдневно постигнувањата на неговото дете. Оценките или пак изостаноците кои се направени во даден момент, наставникот е должен веднаш да ги внесе во системот, и автоматски овие податоци се достапни на увид на родителите преку оваа апликација.  Дискрецијата и личните податоци се целосно обезбедени, од страна на апликацијата, така што родителите можат да ги видат податоците единствено само за нивните деца.

Со имплементацијата на оваа електронска алатка во голема мерка се подобрува квалитетот и ажурноста на образовниот процес, при што комуникацијата на релација училште т.е. наставник-родител е на највисоко можно ниво, што сепак не ја елиминира можноста за класични контакти помеѓу овие два фактори, се со цел за подобро и поквалитетно образование за учениците.

Со цел да отпочнете со користење на Е-Дневникот во новата учебна 2011/2012 година, потребно е да се отвори нова учебна година во ЕМИС, која сеуште не е отворена. Процесот на отворање нова учебна година се извршува еднаш годишно од страна на ЕМИС администраторите.

По отворањето на новата 2011/2012 учебна година во ЕМИС, ќе бидете известени, по што ќе може да почнете со користење на Е-Дневникот.

Податоците од претходната година автоматски ќе се префрлат во новата учебна година, додека новите податоци (промена на класни раководители, нови наставници…), ќе биде потребно да се внесат во ЕМИС од страна на ЕМИС администаторите во училиштата.

Е-Дневникот ќе може да се користи во новата 2011/2012 по завршување на процесот за отварање на нова учебна година во ЕМИС, на кој во моментот работат администраторите од МОН, и кој очекуваме да заврши наскоро.

Верзијата 0.93 ги содржи следните подобрувања:

1. Почетната страна Е-Дневник ги покажува најпотребни информации за паралелките, како и кратенки до најкористените пет страни.
2. Овозможена е навигација низ страниците на дневникот користејќи ги стрелките за навигација од тастатурата.
3. Од левата страна се поставени кратенки до најкористените страни на дневникот.
4. Овозможена е навигација низ месеците на дневникот користејќи календар.
   (Промените 1-4 може да ги видите на следното видео)
5. Внесување и промена на број на главна книга за секој ученик. Сега редоследот на учениците е според бројот на главната книга.
   
6. Преместување на предмети со веќе одржани часови во постоечкиот распоред.
7. Рачно подредување на предметите (стр. 3). Ова подредување на предметите се користи кај внесувањето оценки. (стр. 16-35).
8. Внесување на изостаноци за сите предмети од класниот раководител.
9. Изостаноците сега правилно се зачувуваат во прво и второ полугодие во страната за оцени.
10. Фонтот на апликацијата е комплетно променет во Стоби Санс (StobiSans) и Стоби Сериф (StobiSerif). Оваа промена е видлива доколку користите модерен пребарувач.

Им благодариме на сите кои доставија забелешки и предлози за подобрувања.

Од Развојниот тим на Е-Дневникот